Обработка на пети

Медицинскиот педикир е стручна обработка на стапалата што решава конкретни проблеми: задебелена и испукана кожа на петите, курје око, жулеви, вкосени, задебелени или деформирани нокти. За разлика од класичниот педикир, каде што целта е стапалата да изгледаат убаво и негувано, овде целта е стапалата да бидат здрави, без болка, и одот повторно да биде лесен. Во салонот Медеја медицинскиот педикир го работиме со апаратурна техника, со помош на професионален апарат со стерилни наставки, па затоа често се нарекува и апаратурен педикир.

Апаратот работи со голем број различни борери и наставки од медицински материјали. Секој наставок има своја намена: едниот ја симнува задебелената кожа слој по слој, другиот го тенчи задебелениот нокт, третиот прецизно го обработува работ на вкосениот нокт. Затоа работата е прецизна, сува и без крварење, а козметичарката може да ги обработи и местата до кои со класичен алат тешко се доаѓа.