Педикир G II

Нозете и стапалата се најоптоварените делови од нашето тело. Кожата на стапалата старее побрзо од кожата на другите делови од телото, бидејќи е подложена на бројни надворешни влијанија како што се обувките, облеката, физичкото оптоварување и слично. Комплетната нега на стапалата што ја пружаме ќе го направи вашиот чекор полесен, а стапалото поубаво.

Со педикир се негува кожата на стапалата и се разубавува изгледот на ноктите. Третманот започнува со бања за стапалата, со што кожата омекнува и е подготвена за чистење и отстранување на тврдата кожа и за полесно сечење на ноктите. Следуваат хидратација и масажа на стапалата, средување и лакирање на ноктите, секако според вашите желби. По третманот, вашите стапала ќе изгледаат одморено и негувано.